TIRANË– Luiz Ejlli këngëtari shkodran me një sens humori tipik nga Shkodra por dhe thumbues në disa raste ka “hapur zemrën” me aktorin Herion Mustafaraj dhe ka treguar momentin e parë kur ka parë Kiara Titon në shtëpinë e Big Brother VIP Albania. Teksa flet për të gjithë emocionin Luizi kujton detaje të Kiarës, që fillojnë nga veshja, qëndrimi dhe përshëndetja e parë. Këngëtari thotë se natën e parë të spektaklit, Kiara ishte bërë si kukull.
“Kur kam hyrë natën e parë. Sa kalova derën te dhoma e rrëfimit, ishin të gjitha rresht. Kur e pashë në cep, ishte në këmbë nuk mund të ulej se ishte me minifund. Po rrinte në këmbë me taka të larta, dhe ishte bërë si kukull atë natë. Kur e pashë thashë: ‘Po kjo?!’. Iu afrova e përshëndeta: ‘Mirëmbrëma!’, ky ishte momenti që ia futa vetes”, tregoi Luizi.
Këngëtari dhe Kiara duket se kanë një kimi me njëri-tjetrin nga mënyra se si flasin dhe shikojnë njëri-tjetrin. Luizi vijon me tentativat e tij ndërsa Kiara nga ana tjetër duket e prerë për të mos nisur një lidhje dashurie në shtëpinë më të famshme në Shqipëri.
