LAÇ– Festat e fundvitit kanë sjell një fluks të shtuar të lëvizjeve në autostradën Laç-Fushë Krujë duke bërë që qarkullimi i mjeteve të “paralizohet” dhe të krijohen radhë kilometrike mjetesh. Mjetet të cila vijnë nga Laçi në drejtim të Fushë Krujës prej orësh tashmë janë të bllokuar ndërkohë që të dalja nga ngërçi duket një mision i pamundur për të gjithë drejtuesit e mjeteve.
Siç duket edhe në foto shoferët e ngecur në trafik kanë bllokuar dhe korsinë e emergjences duke rrezikuar kështu dhe kalimin e ndonjë mjeti të emergjencave. Kjo situatë vijon prej orësh ndërsa kulmi u arrit në orët e pasditesh ku duket se makinat kanë mbetur në vendnumëro.
