POGRADEC– Policia ka identifikuar personin që shkatërroi stolin në kabinën e pritjes në tacionin e autobusit, në fshatin Memëlisht. Bëhet fjalë për një 18-vjeçar të identifikuar me inicialet R.K banues në fshatin Hudënisht. Ai tashmë është shpallur në kërkim ndërkohë që vijon puna për kapjen e tij. Video u publikua ditën e djeshme në mediat sociale nga “JOQ”.
View this post on Instagram
NJOFTIMI I POLICISË:
Në lidhje me një video të publikuar në rrjetet sociale ku shfaqet një shtetas duke dëmtuar stolat në stacionin e autobusit, në fshatin Memëlisht, Pogradec, ju sqarojmë se: Specialistët e Seksionit për Hetimin e Krimeve të Komisariatit të Policisë Pogradec bënë të mundur identifikimin e autorit të dyshuar të kësaj ngjarjeje, konkretisht shtetasit R. K., 18 vjeç, banues në fshatin në fshatin Hudënisht, Pogradec. Nga verifikimet e kryera rezulton se, ky shtetas më datë 01.01.2023, ka dëmtuar stolat dhe xhamin e stacionit të autobusit të linjës Pogradec-Prrenjas.
