TIRANË– Drejtori i Përgjithshëm i Policisë së Shtetit Muhamet Rrumbullaku ka pezulluar nga detyra Dilaver Velon babain e Albano Velos, i cili akuzohet se ka ekzekutuar biznesmenin Edmond Papa në Selitë. Lajmin e ka bërë të ditur Policia e Shtetit në një njoftim të shpërndarë për mediat. Dilaver Veloi ishte me detyrë trupë shërbimi në Seksionin e Patrullës së Përgjithshme në Komisariatin e Policisë Nr. 4, Tiranë.
NJOFTIMI I POLICISË:
Në lidhje me identifikimin, kapjen dhe ndalimin e njërit prej autorëve të vrasjes së shtetasti E. P., nga verifikimet ka rezultuar se shtetasi i ndaluar A. V., është djali i një punonjësi Policie. Menjëherë pas ndalimit të shtetasit A. V. Drejtoria e Përgjithshme e Policisë së Shtetit ka bërë pezullimin nga detyra të punonjësit të Policisë, inspektor D. V., me detyrë trup shërbimi në Seksionin e Patrullës së Përgjithshme në Komisariatin e Policisë Nr. 4, Tiranë. Gjithashtu Drejtoria e Standardeve Profesionale në Drejtorinë e Përgjithshme të Policisë së Shtetit ka nisur hetimin e thelluar ndaj punonjësit të Policisë, të pezulluar nga detyra.
Edmond Papa u ekzekutua me 9 plumba brenda një lokali në zonën e Selitës në Tiranë më 16 dhjetor të vitit të shkuarshumë pak metra larg nga shtëpia e të vëllait ku kiishte dhe nënën e sëmurë që e kishte sjellë për ta vizituar. Autorët e kishin ndjekur “këmba këmbës” prej ditësh dhe kishin pritur momentin e duhur për të larë hesapet. Autori hyri qetësisht në lokal dhe qëlloi plot 9 herë në drejtim të tij duke e lënë të rrëzuar në tokë. Pak minuta më pas ai ndërroi jetë. Më pas autori ka dalë nga lokali dhe ka ikur në fund të rrugës ku e ka pritur bashkëpunëtori i tij dhe më pas të dy do të largoheshin pa lënë gjurmë. Kapja e tyre erdhi falë kamerave të sigurisë në zonë të cilat u sekuestruan nga Policia.
