TIRANË– Dibran Hoxhaj autori i ekzekutimit të 31-vjeçarit me origjinë nga Kukësi Visar Cengu nuk është një emër i panjohur për policinë dhe drejtësinë. Pronari i “Kobra City” në Prizren një lokal nate ku mbrëmjen e djeshme zgjodhën të shkojnë dhe tre të rinjtë Visar Cengu, Arben Basha dhe Rufgen Shehu ka qenë i dënuar më parë për drogë dhe për dhunë.
Mjaft popullor në rrjetet sociale ku numëron më shumë se 200 mijë ndjekës në Instagram dhe Tik Tok “Kobra” ka reklamuar gjithmonë jetën e luksit që bën. Ai në foto dhe postimet që bën shihet gjithmonë i mbuluar me ar, me unaza në duar dhe një varëse të trashë në formë pllake që bie menjëherë në sy. Numri i makinave të tij s’ka fund ndërkohë që në intervistat që jepte shprehej se makinat i kombinonte me rrobat që vishte.
Mjafton të bësh një kërkim të shpejt në “Google” dhe ta kuptosh “famën” e madhe që kishte marrë madje duke u ftuar dhe në emisione në Shqipëri dhe Kosovë. Dhe në emisione ai rerklamonte jetën e mirë që bënte por kurrë duke treguar burimin e tij të të ardhurave. “Kobra” deklaraonte se kishte kryer 189 vepra penale për të cilat ishte penduar.
Në emisionet televizive ku ftohej si në “N’Kosovë Show” ai paraqitej i rrethuar me 25 truproja dhe gjithmonë i mbuluar “kokë e këmbë” me ar. Kobra është dënuar më shumë se 16 herë për një periudhë nga viti 2007 – 2021 për veprat penale si lëndime të lehta trupore, armëmbajtje pa leje dhe kanosje. Po ashtu gjatë intervistave që jepte ai deklaronte se shumica e veprave penale të kryera dhe mosmarrëveshjet dhe zënkat me njerëzit kishin ardhur pas hapjes së lokalit.
30-vjeçari Visar Cengu u qëllua për vdekje në orët e para të mëngjesit nga Hoxha. Shkak për sherrin dyshohet se është bërë refuzimi për pagesën e faturës 400 euro nga të rinjtë nga Kukësi. Sipas dëshmitarëve në vendin e ngjarjes në fillim ata janë zënë me grushte. Pasi Cengu me miqtë e tij kanë dalë nga lokali, Dibran Hoxha ka dalë po ashtu dhe ka hapur zjarr ndaj tyre. Cengu ndërroi jetë pak minuta pasi u largua me urgjencë nga vendi i ngjarjes ndërsa një nga shokët e tij u plagos, tjetrin fatmirësisht nuk e preken plumbat. Bashkë me Hoxhën në polici janë shoqëruar dhe 5 persona të tjerë që dyshohet të kenë lidhje me ngjarjen.
