BALLSH– Djegia e shkollës 9-vjeçare në Ballsh ditën e sotme ka “përplasur” në këtë fillim viti Sali Berishën dhe ministren e Arsimit dhe Sportit Evis Kushi. Kështu në një postim në Facebook kryedemokrati ka postuar mesazhin e qytetarit dixhital, i cili e informonte për djegien e shkollës. Në mesazh thuhej se roja i shkollës është militant i Partisë Socialiste dhe nuk ka shkuar në punë që kur është caktuar në atë opozicion.
POSTIMI I BERISHËS:
Ndërkohë ministrja Evis Kushi në një postim në Facebook shkruan se rasti po ndiqet nga afër dhe po hetohen shkaqet e rënies së zjarrit. Në fund Kushi shkruan se do të bëhet çdo gjë që shkolla të jetë gati për të pritur nxënësit të enjten kur nis dhe shkolla pas pushimeve të festave të fundvitit.
Zjarri ra në një nga klasat e shkollës. Flakët u pikasën nga banorët e zonës të cilët kanë lajmëruan menjëherë zjarrfikësit që bënë të mundur dhe neutralizimin e flakëve dhe ndaluan përhapjen e tyre në gjithë shkollën duke shkaktuar dhe një dëm të madh duke qenë se jemi afër nisjes së shkollës pas pushimeve të festave të fundvitit.
