DIVJAKË– Divjaka nuk gjen qetësi në këtë fillim viti. Një tjetër aksident tragjik është regjistruar këtë mbrëmje ku për pasojë ka humbur jetën një grua e identifikuar si Hasime Alcani . Raportohet se drejtuesja e mjetit ka humbur kontrollin e makinës në aksin rrugor “3 urat-Çermë” e për pasojë ka dalë nga rruga. Në makinë po udhëtonin nënë e bijë. Nëna për fat të keq ka ndërruar jetë ndërsa e bija që drejtonte makinën e identifikuar me inicialet Burbuqe Alcani është trasnportuar menjëherë në spital ku po merr ndihmën e nevojshme mjekësore. Mësohet se ndodhet jashtë rrezikut për jetën.
NJOFTIMI I POLICISË:
Divjakë / Informacion paraprak Rreth orës 17:00, në aksin rrugor “3 urat-Çermë”, shtetasja B. A., duke drejtuar automjetin tip “Opel” ka humbur kontrollin mbi drejtimin e automjetit dhe për pasojë automjeti ka dalë nga rruga. Si pasojë, ka ndërruar jetë pasagjerja në automjet, shtetasja H. A., si edhe është dëmtuar dhe po merr ndihmën mjekësore në spital, drejtuesja e automjetit, shtetasja B. A. Grupi hetimor po punon për zbardhjen e shkaqeve të aksidentit.
Ndërkohë vetëm pak minuta më parë një tjetër aksident tragjik u regjistrua në aksin rrugor Gradishtë-Spolot, Divjakë ku humbi jetën drejtuesi i mjetit dhe u plagosën katër të rinj që udhëtonin me të në makinë. Dita e sotme ka shënuar një bilanc tragjik në rrugët e Divjakës.
