KOSOVË– Dibran Hoxha ose siç njihej me emrin “Kobra” ka folur për herë të parë para togave të zeza në lidhje me vrasjen e 31-vjeçarit nga Kukësi Visar Cengu. Ai ka shfajësuar të vëllanë dhe lidhjen e tij me vrasjen e ndodhur në lokal. Sipas Hoxhës i vëllai nuk ka qenë në ambientet e lokalit kur ka ndodhur ngjarja por ka ardhur pasi e kishin lajmëruar duke i thënë se e i kishin vrarë vëllanë. Enver Amrallahun Hoxha e ka vëlla prej nënës.
“Pajtohem me fjalët e avokatit, veç deshta me shtu diçka në lidhje me Enver Amrallahun, ky është vëllau prej nanës. Ky ka ardhë masi ka ndodhë, masi ka ni prej tjerëve që ka ndodh diçka në lokal, i kan than se m’kan vra. ka ardhë masi me policinë mrapa krejt kur janë marrë deklaratat krejt, kanë ardhë e kanë nxanë aty si vlla”, tha i dyshuari Hoxhaj.
31-vjeçari Visar Cengu u qëllua për vdekje në orët e para të mëngjesit nga Hoxha. Shkak për sherrin dyshohet se është bërë refuzimi për pagesën e faturës 400 euro nga të rinjtë nga Kukësi. Sipas dëshmitarëve në vendin e ngjarjes në fillim ata janë zënë me grushte pastaj sherri ka degjeneruar në përdorimin e armëve. Kështu Dibran Hoxha. i cili ishte i armatosur ka nxjerrë armën dhe sipas Policisë ka qëlluar drejt tyre brenda në lokal pasi aty janë gjetur tre gëzhoja. Cengu ndërroi jetë pak minuta pasi u largua me urgjencë nga vendi i ngjarjes ndërsa një nga shokët e tij u plagos, tjetrin fatmirësisht nuk e preken plumbat. Bashkë me Hoxhën në polici janë shoqëruar dhe 5 persona të tjerë që dyshohet të kenë lidhje me ngjarjen.
