TIRANË– Detaje të reja kanë dalë në dritë nga vrasja e biznesmenit Edmond Papa në zonën e Selitës. Kështu është zbuluar dhe identiteti i personit të dytë të përfshirë në ngjarja e që dyshohet të ketë qëlluar 9 herë ndaj Papës duke e lënë të vdekur. Bëhet fjalë për Andrew Bode, i lindur në Berat por që jetonte në Tiranë. Policia dyshon se ai mund të jetë larguar ilegalisht nga vendi pasi nuk rezulton në sistemin TIMS. Kanë qenë kamerat be sigurisë së një lavazhi afër vendit të ngjarjes ato që kanë zbuluar vrasësitr e biznesmenit Edmond Papa.
Albano Velo dhe Bode u filmuan gjatë kohës që dërgojnë makinë tip “Audi” për ta larë pas krimit të kryter. Kjo makinë me shofer 30-vjeçarin sipas “Tv Klan”është përdorur për ruajtjen e lëvizjeve të biznesmenit si dhe për të marrë ekzekutorin, Andreë Bode pas krimit brenda lokalit në zonën e Komunës së Parisit. Teksa Velo e priste me Audi, Bode ka shkuar në vendin e ngjarjes me një makinë tip Smart, që e kishte marrë me qera.
Pasi ka qëlluar mbi Edmond Papën, është larguar me Audin e drejtuar nga Velo, kanë udhëtuar së bashku në autostradën Tiranë – Durrës, janë kthyer e kanë ndaluar në një pikë karburanti dhe Bode ka zbritur në zonën e Astirit. Më pas, Bode ka marrë një taksi dhe është drejtuar drejt banesës së tij në zonën e Kodrës së Diellit.
Të nesërmen, më 17 Nëntor, ai është kthyer sërish në vendin e krimit dhe pa rënë në sy ka marrë makinën tip Smart. Deri më tani, dyshohet se vrasja e Papës është bërë për hakmarrje për vrasjen e Aleksandër Sadikajt në atentatin me tritol të Qershorit të vitit 2022 në afërsi të rrethrrotullimit të TEG-ut. Bode dhe Velo rezultojnë të kenë njohje me Sadikajn, deri më tani dyshohet se janë miq të ngushtë, por nuk dihet rrethanat sesi janë njohur. Megjithatë përveç miqësisë, nuk përjashtohet mundësia që ata të jenë paguar për vrasjen e biznesmenit.
