Vrasje e dyfishtë në Lezhë/ Ish-dhëndri ekzekuton babë e bir

Një ngjarje e rëndë ka ndodhur në Lezhë pak para mesnate. Një konflikt familjar ka përfunduar me dy të vrarë. Mësohet se Besnik Pjetri ka vrarë ish-vjehrrin dhe ish-kunatin me armë zjarri. Viktimat janë Pjetër Përjaku dhe Gent Përjaku. Konflikti ka nisur pas divorcit të autorit me vajzën (motrën) e viktimave.

Lezhë / Informacion paraprak

Rreth orës 23:00, në fshatin Grykë Zezë në Lezhë, ka ndodhur një krim në familje, ku dyshohet që shtetasi B.P., ka vrarë me armë zjarri shtetasit P.P. dhe G.P. ( babë e bir), tek banesa e tyre, për shkak të një konflikti familjar.

 Autori i dyshuar ka qenë pjesë e asaj familje, ish dhëndër i tyre dhe konflikti dyshohet se ka ardhur pas divorcit mes çiftit.

Janë ngritur pika kontrolli si dhe po bëhet krehja e zonës me qëllim lokalizimin dhe kapjen e shtetasit B.P.

Grupi hetimor në vendngjarje vazhdon punën hetimore për zbardhjen e plotë të rrethanave të ngjarjes.