FRANCË– Revista saterike Charlie Hebdo nuk ndalet. Në numrin e radhës në “shënjestrën” e saj ka qenë regjimi islamik i Taheranit duke mbështetur në këtë mënyrë protestuesit që protestojnë kundër liderit islamik të Iranit Ajatollah Sejed Ali Khamenei dhe mullahët (Mullah është një titull nderi për klerikët myslimanë shiitë dhe sunitë ose një udhëheqës xhamie myslimane). Në kopertinë shfaqet një grua e zhveshur totalisht dhe me këmbët e hapura dhe aty shfaqen Mullahët duke hyrë njëri-pas-tjetrit në vaginën e saj. Mbishkrimi është: Mullah, kthehuni nga keni ardhur.
Në 7 janar të vitit 2015 revista satirike ra pre e një sulmi të tmerrshëm terrorist nga një grup islamik. Si pasojë e sulmit fatal humbën jetën 12 punonjës dhe u plagosën dhjetëra të tjerë. Ekstremistët shënjestruan gazetën pasi botoi karikaturat që konsideroheshin fyese për Profetin Muhamed. Ky numër i kushtohet valës masive të protestës së qytetarëve iranianë kundër regjimit teokratik të Ajatollah Khameneit, pasi Charlie Hebdo një muaj më parë shpalli një konkurs ndërkombëtar për karikaturën më të mirë kundër regjimit iranian, duke mbledhur më shumë se 300 karikatura nga e gjithë bota, madje dhe nga Irani vetë. Për të zgjedhur kopertinën më të mirë, udhëzimet ishin të thjeshta; karikatura që përshkruante liderin suprem të Iranit, Ali Khamenei, duhej të ishte sa më “qesharak dhe i poshtër”.
