Ministri Çuçi njofton shkarkimin e Gledis Nanos: Nuk realizoi objektivat
Ministri i Brendshëm Bledi Çuçi ka njoftuar ditën e sotme shkarkimin e nga detyra të Drejtorit të Përgjithshëm të Policisë së Shtetit, Gledis Nano.
Në argumentet e shkarkimit, ministri citon mos përmbushjen e objektivave të përcaktuara.
Vendimi u komunikua nga ministri i Brendshëm në përfundim të mbledhjes së qeverisë.
Sot qeveria mori vendim për shkarkimin e drejtorit të përgjithshëm të Policisë, Gledis Nano. Nuk realizoi objektivat.
Qeveria dhe Këshillimi i Ministrave ka menduar se shkarkimi i drejtorit të Përgjithshëm të Policisë është një masë për të patur një reagim më të fortë në luftën ndaj krimit të organizuar.
Momentalisht drejtimi i Policisë së Shtetit, do të merret nga nëndrejtori Tonin Vocaj, deri në një njoftim të dytë se kush do të jetë drejtori i ri i policisë.
