BULQIZË– Detaje të reja kanë dalë në dritë nga aksidenti tragjik i ndodhur mbrëmjen e sotme në Rrugën e Arbrit. Mësohet se dy makinat janë përplasur kokë më kokë me njëra-tjetrën duke bërë që përplasja frontale të ishte e forte duke shënuar kështu dhe bilancin tragjik me tre të vdekur dhe katër të plagosur. Dyshohet se mjeti tip Mercedes Benz 240 ku udhëtonin Kujtim dhe Murat Istrefi me dy bashkëshortet Lulzime dhe Firuze Istrefi, ka dalë nga një rrugë dytësore nga fshati Gjoricë ku kishin qenë për vizitë dhe në momentin që kanë dalë në rrugën nacionale i kanë prerë rrugën mjetit tip Mercedez me targa Angleze. Si pasojë e shpejtësisë përplasja ka qenë shumë e fuqishme dhe mjeti ku udhëtonin viktimat është ndarë në 2 pjesë.
Katër të plagosurit Mërgim Lazri 25 vjeç, Edison Lazri 20 vjeç, Kadrie Markeçi dhe Firuze Istrefi 56 vjeç janë dërgua në spitaloin e Dibrës ku po marrin ndihmën e nevojshme mjekësore. Ende nuk dihet nëse ata do të nisen drejt Tiranës për një mjekim më të specializuar. Grupi hetimor, i cili ka mbërritur në vendngjarje po punon për zbardhjen e plotë të saj. Aksi ku ndodhi aksidenti është pjesë e segmentit të Rrugës së Arbrit dhe është pa ndriçim si dhe mungon sinjalistika rrugore. Ai segment rruge ka qenë gjithmonë burim aksidentesh për mjetet që kalojnë aty.
