Shqiptari kapet në Itali me 40 kg kokainë, me vlerë 2 milon euro !

Një sasi prej 40 kilogramësh kokainë me vlerë 2 milion euro, që pritej të dilte në treg iu gjet një shqiptari.

Është ky rezultati i kontrollit të policisë italiane në Baraccola, të Ancona, gjatë së shtunës, në makinën tip “Golf” të drejtuar nga një 30-vjeçar shqiptar, ku u gjet një zarf me 1 kilogramë kokainë dhe në banesë u gjet afro 40 kg sasi tjetër lënde narkotike.

Banesa e shqiptarit përdorej kryesisht si laborator dhe magazinë, ku u gjetën edhe materiale për paketimin e lëndës narkotike, por edhe një sasi parash, të cilat dyshohen se janë produkt i aktivitetit kriminal.

Ndërkohë shqiptarit iu gjet edhe një armë tip pistoletë, bashkë me plumba, të cilat u sekuestruan nga policia.

Mediat italiane raportojnë se shqiptari u dërgua në burg, në pritje të gjykimit ndaj tij, ndërkohë që hetimet vijojnë për të zbuluar bashkëpunëtorët.