DURRËS– Një aksident është regjistruar mesditën e sotme në Durrës. Raportohet se një makinë që drejtohej nga një 41-vjeçar me inicialet A.S ka përplasur një motor në të cilin udhëtonte një 30-vjeçar i identifikuar me inicialet V.H. Si pasojë e aksidentit është plagosur dhe një i mitur, 15 vjeç, i cili ishte pasagjer në motor.
NJOFTIMI I POLICISË:
Durrës/Informacion paraprak Në Maminas, Durrës, automjeti me drejtues shtetasin A. S., 41 vjeç, ka përplasur motomjetin me drejtues shtetasin V. H., 30 vjeç. Si pasojë e përplasjes, janë dëmtuar shtetasit V. H. dhe shtetasi i mitur K. R., 15 vjeç (pasagjer në motomjet), të cilët ndodhen në spital, në kujdesin e mjekëve. Grupi hetimor ndodhet në vendngjarje dhe po punon për sqarimin e rrethanave të aksidentit.
