TIRANË– Kryeministri Edi Rama ka bërë të ditur se brenda vitit 2024 do të ndërtohen 984 laboratorë ‘smart’. Në një postim në Facebook kreu i qeverisë bën me dije se ky është objektivi i qeverisë për atë që e quan revolucioni dixhital. Ai shton gjithashtu se brenda janarit do të startojë programi i kodifikimit për 1200 të rinj.
Kryeministri Edi Rama prej dy ditësh po zhvillon një mbledhje maratonë në ambientet e vilës qeveritare “Vila 31” në zonën e ish-Bllokut. Në mbledhje me atë që bën të ditur dhe kryeministri po bëhet një analizë e punës së 12 muajve të shkuar dhe objektivat e këtij vciti që sapo hymë. Në mbledhje marrin pjesë të gjithë ministrat e qeverisë, të cilët po raportojnë tek kreu i ekzekutivit projektet dhe objektivat e dikastereve që drejtojnë.
