TIRANË– Kryeministri Edi Rama ka premtuar ndërtimin e tre stadiumeve të reja. Këtë e bëri të ditur në një postim në Facebook teksa mbledhje e qeverisë në “Vilën 31” vazhdon. Kreu i qeverisë bën me dije se stadiumet do të ndërtohen brenda pranverës në Durrës, Vlorë dhe Korçë.
“3 stadiume të reja nisin me 3 konkurse ndërkombëtare brenda pranverës, në Durrës, Vlorë dhe Korçë”, shkruan Rama.
Kryeministri Edi Rama prej dy ditësh po zhvillon një mbledhje maratonë në ambientet e vilës qeveritare “Vila 31” në zonën e ish-Bllokut. Në mbledhje me atë që bën të ditur dhe kryeministri po bëhet një analizë e punës së 12 muajve të shkuar dhe objektivat e këtij vciti që sapo hymë. Në mbledhje marrin pjesë të gjithë ministrat e qeverisë, të cilët po raportojnë tek kreu i ekzekutivit projektet dhe objektivat e dikastereve që drejtojnë.
