LEZHË– Një ngjarje e rëndë është regjistruar mëngjesin e sotëm në autostradën Lezhë-Milot. Mësohet se gomisti Spas Milloshi ka humbur jetën në vendin e punës pasi në momentin që ka qenë duke fryrë gomën e kamionit ajo i ka plasur në duar duke i marrë jetën. Policia ka shkuar menjëherë në vendin e ngjarkes dhe po heton shkaqet e plasjes së gomës.
NJOFTIMI I POLICISË:
Lezhë / Informacion paraprak. Rreth orës 08:30, në një servis automjetesh në afërsi të Kryqëzimit të Spitenit, shtetasit S. M. 53 vjeç, gomist pranë servisit, duke punuar, i ka shpërthyer një gomë automjeti, e për pasojë ka humbur jetën. Grupi hetimor në vendin e ngjarjes vazhdon veprimet hetimore për sqarimin e plotë të rrethanave të ngjarjes.
