ITALI– Tragjedi në Itali. Raporohet se një 57-vjeçar identiteti i të cilit nuk është bërë i ditur është vrarë nga fqinji i ti në një fshat të Arezzos. Ngjarja e rëndë erdhi pas një mosmarrëveshjeje që ata kishin.
Shqiptari dëmtoi me eskavator 4 makina të përkuara të fqinjit të tij e më pas goditi disa herë me kovën e eskavatorit muret dhe çatinë e shtëpisë, duke i shkaktuar dëme të konsiderueshme komshiut të tij.
Në rrethana të tilla, ai mori pushkën dhe qëlloi disa herë në drejtim të 57-vjeçarit shqiptar duke e lënë të vdekur në vend. Autori i ngjarjes është arrestuar nga policia italiane. Ende nuk dihen shkaqet e konfliktit mes palëve, që detyruan shqiptarin në gjaknxehtësi e sipër të shkatërronte me eskavatorin në pronësi të tij, mjetet dhe shtëpinë e komshiut.
Në vendngjarje shkuan forcat e policisë dhe zjarrfikësit. Banesa e fqinjit, e dëmtuar me eskavator, është konsideruar e pabanueshme dhe familjarët janë larguar nga shtëpia. Ndërkohë, policia po vijon hetimet për të zbardhur plotësisht shkaqet dhe rrethanat e ngjarjes.
