TIRANË– Detaje të reja kanë dalë në dritë nga vrasja e biznesmenit Edmond Papa. Kështu mësohet se Andrew Bode, i cili dyshohet se është dhe ekzekutori i Papës në Selitë u pajis me pasaportë të re vetëm 1 ditë përpara se të shpallej në kërkim. Ai ka aplikuar për pashaport më datë 29 dhjetor, 13 ditë pas vrasjes së Papës.
Sipas “Tv Klan” më 30 Dhjetor ai e ka tërhequr pasaportën në mënyrë të përshpejtuar, ndërsa më 31 Dhjetor policia arrestoi bashkëpunëtorin e tij, Albano Velon dhe e shpalli në kërkim 44-vjeçarin beratas, që jetonte në një shtëpi me qira te Kodra e Diellit.
Ai nuk rezulton të jetë larguar ligjërisht nga vendi pasi nuk figuron i regjistruar në sistemin TIMS. Sipas hetuesve ai mund të këtë kaluar kufirin në mënyrë ilegale dhe pasaportën po e përdor për të lëvizur në vendet e BE-së nku dyshohet se ai mund të ketë shkuar. Hetuesit dyshojnë se ai mund të jetë vendosur në Greqi, vend ku ka jetuar dhe më parë e ku rezulton i dënuar për trafik droge. Aty ai ka ndryshuar dhe emrin nga Ervin në Andreë.
Deri më tani dyshohet se vrasja e biznesmenit Edmond Papa të ketë ardhur si pasojë e prishjes së pazareve të drogës ndërkohë po hetohet dhe pista e hakmarrjes pasi dy autorët rezultojnë të jenë miq të ngushtë të Aleksandër Sadikajt të riut që u ekzekutua rreth 6 muaj më parë në rrethrrotullimin e TEG-ut me një bombë të telekomanduar që shpërtheu kur ai drejtonte makinën në autostradë. Po ashtu dyshohet se Papa dhe Sadikaj janë takuar tre ditë para se ky i fundit të vritej.
