SHBA– Aktori Noah Schnapp ka pranuar hapur homosekualitetin e tij. Ylli i Stranger Things, 18 vjeç, postoi një video në TikTok në të cilën thotë se e ka fshehur faktin që është homoseksual gjithë jetës, edhe pse familja e tij e dinte.
“Kur më në fund u thashë miqve dhe familjes se isha homoseksual pasi e mbajta të fshehtë për 18 vjet, ata të gjithë më thanë, ‘ne e dimë’”, shpjegon aktori në video.
Noah Schnapp luan Will Byers në “Stranger Things”, dhe fansat kanë spekuluar prej kohësh se aktori është homoseksual. Në komentet në videon e tij në TikTok, fansat nxituan ta mbështesnin aktorin, duke e brohoritur dhe duke i thënë se ishin të lumtur dhe krenarë për të.
Sigurisht, fansat e Stranger Things e pëlqyen mbishkrimin e Noah Schnapp në TikTok-un e tij duke e krahasuar veten me Will-in.
