SHKODËR– Detaje tronditëse kanë dalë në dritë nga ngjarja makabre e ndodhur në Shkodër ku një 32-vjeçare Orjana Gremi hodhin në ujërat e lumit Kir foshnjën 1 javëshe. Në dëshminë e dhënë para policisë ajo është shprehur se e ka kryer atë veprim pasi nuk e mbante dot. “Nuk kisha mesa tra mbaja” ka thënë ajo para uniformave blu, të cilët e vunë në pranga. Ajo e kishte mbështejllë foshnjën me batanije e plasmas por mungesa e ushqimit dhe i ftohti i acartë i natës bënë që fëmija të mos mbijetonte dot, duke gjetur kështu vdekjen.
32-vjeçarja ndodhet në Komisariat dhe raportohet se të njëjtat fjalë u kishte thënë dhe mjekëve të spitalit të Shkodrës. “Dosja” shkruan se ajo u ka thënë atyre se nuk e mbante dot dhe nëse nuk i jepnin zgjidhje ajo do ta “hidhte” fëmijën, por pavarësisht kësaj nuk është marrë asnjë masë prej tyre dhe policisë së Shkodrësw. Në certifikatën e regjistrimit të fëmijës të seksit mashkull nuk është regjistruar emri i atësisë dhe babai i tij nuk dihet ende se kush është pasi 32-vjeçarja Orjana Gremi nuk ka dhënë detaje. Ajo jetonte vetëm me xhaxhanë e saj dhe ishin në kushte shumë të vështira ekonomike.
