TIRANË– Detaje të tjera kanë dalë në dritë nga grabitja e 120 mijë eurove në Tiranë nga nënë e bir. Kështu mësohet se Rozeta Dobi, e cila punonte si punonjëse mirëmbajtjeje në shtëpinë në “Rugën e Kosovarëve” kishte një kopje të çelësit, të cilët pronarët ia kishin dhënë për ta mbajtur gjatë kohës që punonte tek ata.
Pas lënies së punës ka nisur dhe plani i grabitjes. Në këtë plan Rozeta përfshiu dhe të birin, Havier Dobin 23 vjeç. Ata kanë hyrë në banesë me atë të kopjes së çelësit e kanë kryer grabitjen e madhe. Në total paratë dhe sendet me vlerë shkonoin në vlerën 120 mijë euro. Pasi morën atë që donin Rozeta dhe i biri shkatërruan shtëpinë që të krijoinin idenë e një grabitjeje të dhunshme.
Gjatë kohës që ka ndodhur vjedhja pronari dhe vajza e tij, identiteti i të cilëve nuk është bërë i ditur nuk kanë qenë në shtëpi. Kur janë kthyer kanë parë gjendjen në shtëpi dhe kanë lajmëruar policinë. Para uniformave blu pronari ka rrëfyer se çelësin e kishte një ish-punonjëse. Kja ka bërë që Policia ti mbante nën vëzhgim. Me paratë e vjedhura Havier Dobi bleu makina të shtrenjta “Mercedez Benz” dhe postonte video dhe foto në Tik Tok ku reklamonte luksin e shfrenuar të tij.
