SHKODËR– Tragjedia e ndodhur mbrëmjen e djeshme në Shkodër është kronikë e një krimi të paralajmëruar pasi 32-vjeçarje Orjana Gremi e kishte thënë se se do vriste fëmijën pasi nuk kishte se më çfarë ta mbante pasi jetonte tek xhaxhai i saj. Kështu sipas “Dosjes” që ditën kur ajo u paraqit në maternitetin e Shkodrës Gremi u ka thënë mjekëve se nuk di se çfarë të bëjë pasi nuk ka se me çfarë ta rrisë fëmijën dhe se e vetmja zgjidhje është ta hidhte në lumë. Por kjo nuk i ka shqetësuar as mjekët të cilët duhet të kishin marrë në telefon Policinë e Shtetit.
Kështu foshnja i seksit mashkull në certifikatën e tij të lindjes nuk e kishte të regjistruar atësinë, ende nuk dihet se kush është babai i tij dhe arsyeja se pse e kishte braktisur 32-vjeçaren dhe rrethanat se si erdhi në jetë foshnja që gjeti vdekjen në ujërat e lumit Kir i mbështjellë me batanije dhe plasmas. Ndërkohë detaje të tjera kanë dalë në dritë pasi mësohet se Policinë e kanë lajmëruar misionarët e kishës, të cilët janë tmerruar kur e kanë parë Orjanën pa djalin. 32-vjeçarja ndihmohej nga kisha me ushqime dhe veshëmbathje. Mësohet se ajo u kishte thënë edhe misionareve të njëjten frazë, “do e hedh fëmijën në lumë”.
Policia arrestoi menjëherë 32-vjeçaren, e cila rrëfeu para tyre krimin e rëndë duke thënë se pasi e kishte mbështjellë me batanije dhe plasmas e kishte hedhur fëmijën në lumë. Në këtë moment nisi dhe kërkimi i fëmijës, i cili u gjet pa shenja jete mëngjesin e sotëm, ngjarje që tronditi mbarë opinion publik në këtë fillim viti. Orjana Gremi është arrestua dhe momentalisht ndodhet në Komisiariatin e Shkodrës.
