Mete shpjegon si arriti t’ia dal e vetme në fillimet e saj në botës e gazetarisë sportive
Çdo fillim në botën e medias është e vështirë dhe ka rrugëtimin e veçantë, vlerëson gazetarja e sportit Sabina Mete në emisionin “Stay Tuned” ne Mcn TV nga Valbona Mhilli .
Në rastin e saj, rruga nga një qytet i vogël për të ardhur në botën e medias në Tiranë ishte e gjatë me plot sfida, por që emërues ka punën dhe vetëm përkushtimin për tu futur në të.
Është e vështirë të vish nga rrethet ku ka shumë gjëra pas, dhe ti t’ia dalësh e vetme pa asnjë lloj ndihmese, pa asnjë lloj gjëje.
Kur e them këtë, nuk i referohem njerëzve që u jam mirënjohëse padyshim, por kur je e vetme në këtë rrugëtim besoj se është ë vështirë.
Për një njeri që ka lindur në Tiranë, nëse njohjet i ka aty padyshim se është më e lehtë, dhjetë herë është për një njeri që vjen nga rrethet, kur erdha këtu isha 18 vjeç, por unë nuk e humba besimin sepse kjo ishte një nga gjërat që unë doja.
Por duhet punë dhe vetëm punë, duken si klishe, por asgjë nuk vjen rastësisht, nëse ti nuk punon, nëse nuk e tregon veten, absolutisht nuk mund të vij dikush nga shtëpia të të marrë për punë.
