GJIROKASTËR– Një aksident është shënuar pasditën e sotme në aksin Gjirokastër-Tepelenë në afërsi të Urës së Kardhiqit. Raportohet se një autoambulancë është përplasur me një mjet tip “MBW” por fatmirësisht nuk ka persona të lënduar. Ende nuk dihet nëse në autoambulancë ka pasur pacientë. Policia dhe grupi hetimor kanë mbërritur në vendin e ngjarjes dhe po punojnë për zbardhjen e shkaqeve të aksidentit.
