Vetëm 2 minuta ecje pas ngrënies mund të ndihmojë në uljen e sheqerit në gjak

Për shekuj me radhë, njerëzit në Mesdheun me diell ngriheshin pas vakteve të gjata e të qeta dhe bënin një shëtitje, shpesh në sheshin e qytetit për të parë fqinjët dhe për t’u përshëndetur. Ecja është aq shumë pjesë e asaj stili jete saqë është renditur si bazë e dietës së shëndetshme mesdhetare.

Kjo mund të jetë një nga arsyet pse studimet kanë zbuluar se dieta mesdhetare mund të zvogëlojë rrezikun për diabetin, kolesterolin e lartë, sëmundjet e zemrës, goditjet në tru dhe disa lloje kanceri – duke forcuar kockat , duke përmirësuar shëndetin e trurit, duke shmangur demencën dhe depresionin dhe duke ndihmuar me humbje peshe.

Tani mund të shtoni edhe një arsye tjetër për të bërë një shëtitje pas vaktit, pasi mund të ulë sheqerin në gjak.

Kjo ecje nuk ka nevojë të marrë shumë prej kohës suaj: Ecja dy deri në 5 minuta mund të bëjë efektin, sipas një studimi të vitit 2022 në revistën Sports Medicine.

“Ecja gjatë gjithë ditës dhe pas ngrënies reduktuan glukozën mesatarisht me 9.51% në krahasim me qëndrimin ulur për një kohë të gjatë.” tha bashkautori i studimit Aidan Buffey, një studente doktorature në departamentin e edukimit fizik dhe shkencave sportive në Universitetin e Limerick në Irlandë.