TIRANË– Të tjera detaje kanë dalë në dritë nga vrasja e biznesmenit Edmond Papa në zonë e Selitës në kryeqytet. Gazetari Arsen Rusta ka siguruar dhe foton e mjetit me të cilin i kërkuari i drejtësisë për vrasjen e Papës Andrew Bode ka përdorur për të ndjrekur këmba-këmbes viktimën. Bëhet fjalë për një MAercedez Benz ngjyrë gri, i cili rezulton i marrë me qira. Automjeti është përdorur për një kohë të gjatë nga ekzekutori.
Andrew Bode është shpallur në kërkim nga policia ndërsa vendndodhja e tij mbetet mister pasi policia ende nuk ka asnjë pistë se ku mund të ketë shkuar ai pasi ligjerisht referuar sistemit TIMS ai nuk ka dalë jashtë vendit. Ai mund të jetë larguar në mënyrë ilegale jashtë vendit dyshohet drejtë Greqisë e më pas mund të ketë ikur në vende të tjera të BE-së pasi kishte bërë dhe një pasaportë të re në Berat.
Deri më tani dyshohet se vrasja e biznesmenit Edmond Papa të ketë ardhur si pasojë e prishjes së pazareve të drogës ndërkohë po hetohet dhe pista e hakmarrjes pasi dy autorët rezultojnë të jenë miq të ngushtë të Aleksandër Sadikajt të riut që u ekzekutua rreth 6 muaj më parë në rrethrrotullimin e TEG-ut me një bombë të telekomanduar që shpërtheu kur ai drejtonte makinën në autostradë. Po ashtu dyshohet se Papa dhe Sadikaj janë takuar tre ditë para se ky i fundit të vritej.
