TIRANË– Mësohet se në shtëpinë e të shumëkërkuarit të drejtësisë Ervis Martinaj në Surrel nuk është gjetur asgjë e jashtëligjshme por vetë dokumente. Ndërkohë në vilën e ish-bosit të lojërave të fatit nuk ka pasur asnjë familjar. Aksioni është zhvilluar me urdhër të SPAK.
Të gjitha dokumentet janë marrë, e janë dërguar për t’u analizuar. Ndërkohë që deri më tani nuk ka asnjë të dhënë se çfarë shkruhet në to. Aksioni i forcave speciale dhe policisë gjyqësore kishte për qëllim gjetjen e ndonjë të dhëne në lidhje me fatin e Ervis Martinajt, i cili që ptej 9 gushtit rezulton i zhdukur pa lënë asnjë gjurmë.
