Vrasja në Pogradec/ Gruaja e autorit mëson vdekjen e fqinjit: E dinim se ishte gjallë!
Sherri për një gardh mes dy fqinjëve është kthyer në tragjedi në fshatin Zervaskë në Pogradec. 63-vjeçari Fatmir Manellari ka vrarë me thikë fqinjin e tij, Safet Yskollarin, pasi autori pretendonte se viktima kishte ndërtuar gardhin në pronën e tij.
65-vjeçari ka ndërruar jetë në spitalin e Pogradecit, ndërsa autori është ende në kërkim nga policia.
Ndërkohë bashkëshortja e autorit dhe familjarët e tjerë e kanë mësuar lajmin e vdekes nga gazetarët që ndodheshin në vendngjarje. Gruaja ka mbetur e shokuar, ndërsa thotë se nuk e dinte që kishte ndërruar jetë.
Ndërkohë që djali i autorit thotë se e ka kërkuar babanë e tij në të gjithë zonën por nuk ka asnjë gjurmë të tij.
