Diplomatët iranianë nisin përgatitjen për largimin nga Shqipëria
Diplomatët iranianë në Tiranë vazhdojnë përgatitjet për t’u larguar nga Shqipëria mëngjesin e së enjtes. Në godinën e ambasadës iraniane ka lëvizje të shumta, ndërsa aty kanë mbërritur edhe disa punonjës të policisë.
Largimi i tyre u njoftua këtë të mërkurë nga Kryeministri Edi Rama, duke ndërprerë marrëdhëniet me Iranin pas sulmit kibernetik ndaj qeverisë shqiptare. Rama tha se ky vendim i është bërë i ditur me notë zyrtare Ambasadës së Republikës Islamike të Iranit, të cilës i është kërkuar largimi brenda 24 orëve nga territori i Republikës së Shqipërisë i të gjithë personelit diplomatik dhe tekniko-administrativ, përshfirë edhe atë të sigurisë.
