GJIROKASTËR– Një aksident i trefishtë është regjistruar pasditën e sotme në aksin Gjirokastër-Kordhocë. Mësohet se një makinë tip “Nissan”, një furgon dhe një “Ford” janë përplasur me njëra-tjetrën. Për pasojë janë plagosur dy drejtuesit e mjeteve. Po ashtu e plagosur rëndë ka mbetur dhe pasagjerja që ndodhej në mjetin tip “Nissan” e identifikuar me inicialet S.D 60 vjeçe. Ata janë dërguar në spitalin e Gjirokastrës dhe ndodhën nën kujdesin e bluzave të bardha.
NJOFTIMI I POLICISË:
Gjirokastër/ Informacion paraprak. Rreth orës 15:20, në aksin rrugor “Gjirokastër-Kordhocë”, janë përplasur automjeti tip “Nissan”, me drejtues shtetasin J. D., 66 vjeç, banues në Gjirokastër, automjeti tip furgon, me drejtues shtetasin N. B., 55 vjeç, banues në Korçë dhe automjeti tip “Ford”, me drejtues shtetasin E. L., 37 vjeç, banues në Gjirokastër. Për pasojë, janë dëmtuar lehtë 2 drejtuesit e automjeteve tip “Nissan” dhe “Ford”, si dhe ka mbetur e dëmtuar (rëndë) pasagjerja që ndodhej në automjetin tip “Nissan”, shtetasja S. D., 60 vjeçe), të cilët janë transportuar në Spitalin Rajonal Gjirokastër. Në vendngjarje ndodhet grupi hetimor, i cili po punon për zbardhjen e shkaqeve të aksidentit.
