Mbyllet termocentrali bërthamor i Zaporizhzhia-s
Termocentrali bërthamor i Zaporizhzhia u mbyll plotësisht për arsye sigurie me mbylljen e reaktorit të fundit të mbetur në punë. Këtë e ka bërë të ditur operatori ukrainas për energjinë bërthamore, Energoatom.
Në një shënim të lëshuar në Telegram nga Energoatom bëhet me dije se procedurat për ftohjen e reaktorit të fundit që ende funksionon janë në progres.
Ky vendim është marrë për shkak të bombardimeve që po vazhdojnë rreth uzinës dhe pas shqetësimit të shprehur nga drejtori i përgjithshëm i IAEA, Rafael Grossi, i cili së fundmi vizitoi centralin së bashku me ekspertë të tjerë të agjencisë së energjisë të OKB-së.
