TIRANË– Ministrja e Shëndetësisë dhe Mbrojtjes Sociale Ogerta Manastirliu ka folur në konferencën e sotme për mediat për fenomenin e largimit të mejkëve nga vendi. Një fenomen që prej vitesh po “gërryen” sistemin shëndetesor në vend. Manastirliu e quajti një fenomen që prek të gjitha vendet madje dhe Europën dhe Britaninë dhe se nuk është një fenomen i izoluar vetëm për vendin tonë. Ndërkohë shtoi se gjatë vitit 2022 janë punësuar në sistemin shëndetësor 335 mjekë.
Ogerta Manastirliu: Lëvizja e lirë e mjekëve është fenomen i izoluar, por që ka prekur vende të rajonit, europiane dhe deri edhe në vende si Britania. Sigurisht ajo që dua të them është që gjatë 2022, 335 mjekë janë punësuar në sistemin tonë shëndetësorë.
Numri një i Shëndetësisë gjatë fjalës së saj u ndal dhe tek objektivat e këtij viti të ri. Ajo tha se në fokus është rritja e pagave dhe ofrimi falas i fishave të diabetit për të moshuarit mbi 65 vjeç. Ajo u ndal dhe tek investimet në shëndetësi dhe fuqizimin e programeve të shëndetit publik.
Ogerta Manastirliu: Eshtë dyfishuar buxhetin, janë shërbyer falas qytetarët. Urgjencës i janë shtuar 20 mjete e reja, duke ulur kohën e pritjes në vendngjarje. Në shërbimin spitalor janë fuqizuar shërbimet e imazherisë. Kemi investuar në 18 spitale. Gama e analizave ka marrë një fuqi të vëmendshme. Kemi punësuar 313 mjekë. Do synojmë fuqizimin e programeve të shëndetit publik. Do te fillojmë me 2023-in, me buxhetin. Prioritet i prioriteve do të jetë rritja e pagave. Pakoja e madhe ka mbështetur 19 mijë mjekë dhe infermierët tanë. Fishat e diabetit do të përfitohen falas edhe për grupmoshën mbi 65 vjeç duke filluar nga ky vit.
