TIRANË– Ministrja e Shëndetësisë dhe Mbrojtjes Sociale Ogerta Manastirliu ka folur për herë të parë për infektimin e 1-vjeçarit me HIV në maternitet. Gjatë konferencës për mediat Manastirliu deklaroi se janë mirëkuptues ndaj reagimit të prindërve ndërsa shtoi se në këtë rast bazohet në ekspertizën e personave përkatës. Ministrja shtoi se ISHP ka hetuar rastin dhe ka vlerësuar se në çdo hallkë të sistemit shëndetësor janë zbaruar protokollet.
Ogerta Manastirliu: Ne kemi ndjeshmëri maksimale për këtë rast, maksimale. E ndjejmë dhe jemi mirëkuptues ndaj reagimit të prindërve. Në ministrinë punën tonë e bazojmë në ekspertizën e ekspertëve tanë. ISHP ka kryer hetimin epidemiologjik, ka vlerësuar se janë zbatuar protokollet mjekësore.
