TIRANË– Ministri i Brendshëm Bledi Çuçi deklaroi se gjatë vitit 2022 janë arrestuar 168 punonjës policie në kuadër të luftës kundër korrupsionit brenda strukturave të uniformave blu. Ai shtoi se në kuadër të ligjit antimafia janë sekuestruar 22 milionë euro asete të përfituara nga të ardhura kriminale.
Bledi Çuçi: Asete kriminale të konfiskuara sipas ligjit Antimafia, dhe nuk po marr këtu OFL, kemi 747 mijë euro në 2012 me pak a shumë 24 mln euro në 2022. Pra janë në dispozicion të shtetit shqiptar këto asete. Koha e reagimit të policisë, në 2016, ka qenë 25 minuta në 2022 – 15 minuta, objektiv ta çojmë në 13 minuta. Ndryshim si nata me ditën edhe në perceptimin e publikut për punën e Policisë së Shtetit. Gjatë këtij viti u arrestuan 168 punonjës policie në kuadër të luftës pa kompromis luftës ndaj korrupsionit brenda Policisë së Shtetit. Kemi arrestuar 168 punonjës policie. Besojmë se rritja e integritetit të punonjësve të policisë së shtetit do të jetë një nga elementët për të luftuar krimin dhe korrupsionin.
Ndërkohë ministri bëri me dije se do të ngrihen dy struktura, një njësi për kontrollin detar dhe një tjetër për atë alpin.
Bledi Çuçi: Me funksionimin e policisë kemi mbështetur edhe zhvillimin e turizmit. Një lajm i ri që kemi parashikuar në 2023, është krijimi i një Njësie të përbashkët Speciale për kontroll detar, kemi parashikuar buxhet për pajisjet, rreth 40 motorë uji, buxhet për ata që do punësohet. Këto mjete do patrullojnë në brigjet e Shqipërisë për siguri. Në bashkëpunim me policinë austriake kemi krijuar Njësinë Speciale Alpine që është pothuajse më e mira në botë. Falë bashkëpunimit me kolegun tim austriak ne kemi trajnuar një njësi speciale alpine shqiptare që do ju vijë në ndihmë turistëve që po vizitojnë Alpet Shqiptare
