TIRANË– Ministri i Drejtësisë Ulsi Manja duke folur në një konferencë ku parashtroi objektivat e ministrisë që drejton për vitin 2023 tha se do të ngrihen sportele për ndihmë juridike falas në vendet ku do të mbyllen gjykatat për shkak të hartes së re gjyqësore. Ndërkohë kreu i drejtësisë pranoi se ka mbipollim të paraburgimeve në vend.
Ulsi Manja: Shteti nëpërmjet ndihmës juridike falas ka menduar të mbështesë një kategori qytetarësh në nevojë. Është ndihma parësore dhe dytësore. Ne do hapim këto sportele edhe në godinat e gjykatave që do mbyllen për shkak të hartës së re gjyqësore, të asistohen nga zyrat tona falas
Pyetja: Amnisti për të burgosurit?
Ulsi Manja: Në sistemin e burgjeve, nr i të paraburgosurve tejkalon numrin e të dënuarve. Kemi mbipopullim. Ka shumë faktorë që marrim në analizë, lidhet dhe me veprimtarinë e sistemit gjyqësor. Në të gjitha rekomandimet, kemi pjesë që prokuroria dhe sistemi i drejtësisë duhet të aplikojnë të gjitha alternativat e dënimit dhe masat e sigurisë që janë në kodin penal.
