TIRANË- Ministri i Brendshëm Bledi Çuçi ka folur ditën e sotme në lidhje me fatin e të shumëkërkuarit të drejtësisë Ervis Martinaj. Çuçi tha se policia punon çdo ditë për të zbardhur këtë ngjarje dhe se kjo nuk mund të zgjidhet me shkop magjik. Çuçi shtoi se policia do të flasë vetëm kur të ketë një provë të fortë për zbulimin e rrethanave.
Bledi Çuçi: Policia e shtetit ka bërë punën dhe ka komunikuar me këtë gjë. Ju keni qënë të informuar për veprime të ndryshme policore për zbulimin dhe zbardhjen e kësaj ngjarje. Policia e shtetit vepron sipas ligjeve, ka përgjegjësi ligjore për të deklaruar një fakt të caktuar. Nga Policia do merrni një përgjigje përfundimtare kur të ketë një provë për këtë personazh, pjesa e thashethemeve, skenaret, janë cështje që jo çdo kush mund ti bëjë. Nuk ka një shkop magjik që ti zbardhë menjëherë, aq më tepër me një personazh kaq të komplikuar të botës së krimit. Historia botërore është e mbushur me këto figura, ku organet nuk kanë ende informacion. Të garantoj që policia ka një vëmendje të posacme dhe merret çdo ditë me këtë çështje.
