ELBASAN– Është zhvilluar ditën e sotme seanca e radhës në Gjykatën e Elbasanit ndaj Arbër Paplekajt, i cili akuzohet për vrasjen e Pjerin Xhuvanit në Elbasan katër ditë para zgjedhjeve të 25 prillit të vitit të shkiuar. Por kjo seancë nisi me incidente, kjo pasi Paplekaj nuk e duroi dot praninë e mediave në sallë dhe ka kërkuar largimin e tyre. Siç duket në video pasi sheh kamerat ai u drejtohet efektivëve që e shoqëronin që ti heqin kamerat. Kjo ka bërë që për disa minuta ai të largohet nga salla dhe të rikthehet më pas sërish.
Arbër Paplekaj akuzohet për vrasjen e Pjerin Xhuvanit më 21 prill të vitit 2021 katë ditë para zgjedhje parlamentare. Paplekaj ishte pjesë e grupit për “Mbrojtjen e Votës” të ngritur nga PD dhe një debat verbal i çastit degjeneroi në përdorimin e armëve të zjarrit. Paplekaj është ish-oficer i Forcave RENEA. Ndërkohë për shkak të përplasjes me armë të plagosur mbeten Paulo Vuksani, Emiljano Prenga, Eltjon Bodinaku dhe Xhensila Sota.
