TIRANË– Duke folur për objektivat e vitit 2023 për policinë e shtetit ministri i Brendshëm iu përgjigj dhe pyetjeve të gazetarëve në lidhje me personat e inkriminuar brenda radhëve të uniformave blu. Ai tha se anormale do të ishte nëse nuk do të kishte. Ndërkohë u shpreh se nuk mund të themi se kemi të bëjmë me një polici të inkriminuar për raste sporadike që nuk implikojnë gjithë strukturën.
Pyetje: A është e inkriminuar Policia e Shtetit Shqiptar?
Bledi Çuçi: Përgjigjia është jo. Unë e thashë edhe në prezantim. Nuk i lexoj me entuziazëm shifrat. Nëse do e bëjë ndryshe pyetjen, a ka të inkriminuar brenda Policisë, po, padyshim që ka. Ka kudo dhe në të gjithë botën. Puna është sesi e adresojmë ne luftën ndaj të inkriminuarve. Ato rezultate vjen falë punës tonë, unë do shqetësohesha nëse nuk do kishim asnjë të arrestuar. Do thosha unë që ti si ministër, nuk je i shqetësuar se nuk ka asnjë të arrestuar. Ka masa qe merren përditë, qoftë nga Policia, qoftë nga AMP.
