TIRANË– Ministri i Drejtësisë Ulsi Manja u shpreh se një veting në administratë nuk do të mund të parandalonte korrupsionin. Kjo pasi sipas tij një zyrtar mund të dalë i pastër në proces dhe të pajiset me certifikatën e pastërtisë e më pas të kryejë korrupsion. Ai tha se sa i përket zyrtarëve të lartë publik Manja tha se ka mekanizma që i kontrollojnë.
Ulsi Manja: Kjo fjala vetting ka fituar një farë qytetarie në Shqipëri. Pavarësisht nëse janë në administratë ose jo, edhe kjo është një masë parandaluese, është një farë parandalimi. A duhet të ketë vetting në gjithë qelizat e administratës? Nuk mendoj se është masë që ndalon fenomenet në vend. Po pas vettingut çfarë do ndodhë? Kjo nuk do të thotë që ky fitoi imunitet ndaj korrupsionit, ndaj janë agjensitë ligjzbatuese. Gjithë agjensitë kanë përgjegjësi për korrupsionin apo fenomenet kriminale. Nëse i bëjmë vetting asaj, ja doli që ishte në rregull, por nesër fillon avazin. Sa i u takon zyrtarëve të lartë publik, ka disa mekanizma që i kontrollojnë.
