TIRANË– Ministri i Drejtësisë Ulsi Manja duke folur gjatë një konference për mediat foli për arritjet e vitit të shkuar dhe objektivat e këtij viti që sapo kemi hyrë. Ai tha se gjatë inspektimeve janë hequr 10 liçenca noterësh ndërkohë janë pezulluar 7 të tjera. Po ashtu, Manja tha se në përmbarimin privat janë bërë 15 inspektime ku janë hequr 5 licenca dhe 1 është pezulluar.
Ulsi Manja: Me ndryshimet e reja të noterisë dhe sistemi noterial i është nënshtruar një proces filtrimi të gjithë noterëve që janë në sistem. Janë vendosur kritere shumë strikte për pranimin në këtë profesion. Për 2022 janë 36 inspektime të realizura të cilat janë finalizuar me 10 heqje licencash, 7 pezullime të tjera dhe janë 6 masa të tjera administrative. Janë dhe katër inspektime të tjera që janë në proces hetimi. Sa i përket përmbarimit priva, kemi 15 inspektime që janë finalizuar me 5 heqje licencash të përmbaruesve, 1 është pezullim dhe 7 të tjera janë në proces. Kemi si objektiv të miratojmë ligjin për përmbarimin gjyqësor shtetëror.
