TIRANË– Kryetari i Partisë Demokratike Sali Berisha mesa duket e ka rimarrë veten pas probleme shëndetësore me gripin dhe ka përshëndetur të gjithë ndjekësit e tij në rrjetin social “Tik Tok”, Në video Berisha shprehet se ky viti do të jetë një vit shprese për Shqiopërinë. Kryedemokrati u ndal dhe tek rasti i vjedhjes së 120 mijë eurove në shtëpinë e ish-shefes së Kabinetit të ish-ministrit Arben Ahmetaj, Alda Klosi. Berisha tha se ky rast është heqja e kapakut të një pusete, ku vërshoi në të katërta anët llumi qeveritar.
@prof.dr.saliberishaNjë përshëndetje për të gjithë ju miq, në këtë fillim viti!♬ original sound – Sali Berisha
REAGIMI I SALI BERISHËS:
Mirëdita dhe përshëndetje miqtë e mi të TikTok! Nis me kënaqësi sot komunikimin direkt me ju, pas një ndërprerje të shkurtër për shkak të një gripi. Unë duke ju shprehur mirënjohjen për mbështetjen tuaj cilësore dhe shumë të rëndësishme, gjithashtu dua të shpreh besimin se ky vit do të jetë një vit i madh shprese, një vit në të cilin ne do realizojmë projektet tona në interesin tonë dhe të vendit. Krahu tjetër është një kaos, është sot më i deskrituar se kurrë. Rasti i Rozeta Dobi-t, Alda Klosit është heqja e kapakut të një pusete, në të cilët vërshuan në të katërta anët gjirizet e llumit qeveritar. Në këtë kontekst ajo që bën më përshtypje është se si ka mundësi një njeri që vjen me një apartamet të 40 m2 në Tiranë, lumturohet me 7 të tjera të tilla, pa llogaritur makinat, bizhutë etj, etj. Por po kaq përshtypje të bën fakti se Edi Rama bëri gjithçka fillimisht të fshihte identitetin e Alda Klosit, pasi këtë kishte bërë në raste të tjera me sukses me ministrat e tij kur ishin vjedhur banesat si Gjiknuri apo flitet për Beqja e Spiropali e të tjerë. Sidoqoftë ne sot jemi në një përpjekje të re, në fushatën për zgjedhjen e Këshilltarëve për Komunat dhe Bashkitë. Le të bëjmë gjithçka për të zgjedhur më të mirët në parlamentet lokale dhe nuk ka diskutim se më të mirët gjenden midis jush të dashur të rinj e të reja që ndiqni TikTok-un. Ndaj ju ftoj me guxim të merrni pjesë në këtë fushatë në të cilën ju do t’i bëni qytetet tona më të lira, më demokratike, më të bukura! Faleminderit dhe një herë një vit të mbarë!
