TIRANË– Alban Mësonjësi është emëruar anëtar i këshillit drejtues të Agjencisë Shtetërore të Kadastrës, si përfaqësues i Ministrisë së Bujqësisë dhe Zhvillimit Rural. Vendimi u mor sot në mbledhjen e qeverisë. Ndërkohë po në këtë mbledhje është vendosur lirimi nga detyra e anëtares së këshillit drejtues të Agjencisë Shtetërore të Kadastrës zonjës Ermira Gjeçi.
VENDIMI:
VENDIM PËR LIRIMIN DHE EMËRIMIN E NJË ANËTARI TË KËSHILLIT DREJTUES TË AGJENCISË SHTETËRORE TË KADASTRËS
Në mbështetje të nenit 100 të Kushtetutës dhe të pikës 1, të nenit 8, të ligjit nr.111/2018, “Për kadastrën”, me propozimin e Kryeministrit, Këshilli i Ministrave
V E N D O S I:
1. Znj. Ermira Gjeçi, anëtar i këshillit drejtues të Agjencisë Shtetërore të Kadastrës, përfaqësues i Ministrisë së Bujqësisë dhe Zhvillimit Rural, lirohet nga kjo detyrë.
2. Z. Alban Mësonjësi emërohet anëtar i këshillit drejtues të Agjencisë Shtetërore të Kadastrës, përfaqësues i Ministrisë së Bujqësisë dhe Zhvillimit Rural.
Ky vendim hyn në fuqi menjëherë dhe botohet në “Fletoren zyrtare”.
K R Y E M I N I S T R I
EDI RAMA
Në mungesë dhe me porosi
ZËVENDËSKRYEMINISTRI
BELINDA BALLUKU
