KROACI– Dy shqiptarë të moshave 30 dhe 40 vjeç, identiteti i të cilëve nuk është bërë i ditur kanë rënë sot në pranagt e policisë kroate pasi u kapën me mbi 11 kilogramë heroinë në makinë. Raportohet se ata kanë hyrë nga pika kufitare e Malit të Zi në Kroaci, Mediat kroate kanë publikuar fotot e shqiptarëve duke hyrë në gjykatë. Ata shihen të lidhur me pranga teksa zbresin nga furgoni I policisë dhe njëri prej tyre e mban kokën ulur. Ata u zbuluan në pikën kufitare Karasoviq me Malin e Zi. Ka qenë qeni antidrogë ai që ka zbuluar heroinën e fshehur në makinën tip “Audi”.
“Në një pjesë të fshehur të pjesës së brendshme të mjetit janë gjetur 20 pako me peshë totale 11 kg. Sipas ekzaminimit paraprak, është konstatuar se pakot përmbanin drogë heroinë”, tha Zoran Tikvica, shef i Departamentit të Policisë Kriminale të Departamentit të Policisë Dubrovnik-Neretva.
“Dje më datë 10 janar rreth orës 11:30 në kontrollin kufitar hyrës ka mbërritur një mjet personal me targa shqiptare i drejtuar nga një 30-vjeçar, ndërsa pasagjeri ishte një 44-vjeçar, të dy shtetas të Shqipërisë”, njoftoi policia në faqet e saj.
