TIRANË– Vjedhja e 120 mijë eurove në shtëpinë e ish-zyrtres së lartë Alda Klosi nga pastruesja e saj Rozeta Dobi dhe i biri Havier Dobi është kthyer në një “telenovelë” plot me skenare dhe ku çdo ditë del një version i ri. Kështu raportohet se vëllai i Klosit, Leonard Ciko pretendon se ato para ia kishte marrë borxh një biznesmeni duke zbuluar dhe emrin e tij. Sipas Top News bëhet fjalë për biznesmenin e ndërtimit Mirjan Mala. Çiko ka shtuar se paratë janë marrë për kurimin e xhaxhait të tij, që vuante nga në sëmundje e rëndë që kërkonte mjekim të specializuar.
“Pas kontakteve me miqtë, një prej miqve i është përgjigjur thirrjes time për para borxh duke i siguruar një shumë prej 125,000 (një qind e njëzet e pesëmijë) euro”, thuhet në dosje.
Nga ana tjetër Tpz shkruan se në ish-shefja e kabinetit e ish-ministrit Arben Ahmetaj nuk ka pasur vetëm koleksioin e florinjtë të vjedhur nga Dobi në shtëpi pasi ajo kishte koleksione të ndryshme me gur smeraldi dhe diamante të cilat i kishte marrë gjatë vizitave të saj në Turqi kur ishte drejtoreshë në Drejtorinë e Koncesioneve në Ministrinë e Financave dhe Ekonomisë që drejtohej nga Arben Ahmetaj. Ajo është marrë me anën financiare të negocimit me disa kompani turke për koncesionin e qeverisë shqiptare për ndërtimin e aeroportit të Vlorës.
Për rrjedhojë, sipas të njëjtit burim, në kuadër të negociatave, Klosi ka udhëtuar drej Turqisë dhe gjithmonë blinte nga 2-3 sete stolish me diamante në një fabrikë në periferi të Stambollit, duke qenë se kishte privilegjin të kalonte pa kontrolle doganore në aeroportin e Stambollit dhe në atë të Rinasit. Nuk dihet se ku mund t’i ketë fshehur zonja Klosi këto stoli me diamante, duke qenë se në banesën ku jetonte me qira, e cila dhe u vodh nga pastruesja e djali i saj, nuk u gjetën.
Vjedhja ka ndodhur më datë 15 dhjetor kur në shtëpi nuk ndodhej askush. Rozeta Dobi punonte si pastruese në shtëpinë e ish-zyrtares së lartë në Kryeministri.Alda Klosi Paratë janë vjedhur në kohë të ndryshme. Pasi kishin kryer grabitjen e fundit Dobi dhe i biri Havier Dobi e kthyen shtëpinë “përmbys” për ta bërë të dukej si grabitje. Pas kontrollit në shtëpi atyre iu gjetën dhe 404 mijë dollarë të tjerë, mijëra euro dhe bizhuteri, të cilat ishin fshehur në tubin e aspirimit. Rozeta e Havier Dobi e pranuan krimin para uniformave blu. Havieri me paratë e vjedhura kishte blerë makina luksi, të cilat i ekspozonte në rrjetet sociale.
