VLORË– Tre pjestarët e bordit të anijës së peshkimit “MAKAJ 0624” janl shpëtuar nga Kapiteneria e Portit të Vlorës pasi mbeten në det të hapur. Drejtoria e Përgjithshme Detare, ka bërë të ditur se në orën 02:50 kanë marrë thirrje në orën 02:50 se anija e peshkimit tip fllug me emrin MAKAJ 0624, me 3 persona në bord, kishte pësuar avari në sistemin elektrik të motorrit dhe nuk mund të lundrojë pasi i është fikur motorri.
NJOFTIMI:
Kapiteneria e Portit Vlorë në orën 02:50 ka marrë njoftimin nga anija e peshkimit tip fllug me emrin MAKAJ 0624, me 3 persona në bord, që ka pësuar avari në sistemin elektrik të motorrit dhe nuk mund të lundrojë pasi i është fikur motorri, gjithashtu bën ujë nga aksi i helikës. Mjeti lundrues ndodhej në veri të derdhjes të lumit Seman në këto kordinata: 40° 51′ 17.7″n / 019° 17′ 54.3 edhe ka kërkuar asistencë. Kapiteneria e Portit Vlorë ka njoftuar QNOD DHE Policinë Kufitare për situatën duke i dhënë ndihmë menjëherë mjetit.
Aktualisht mjeti po lundron i asistuar drejt Triportit Vlorë.
