TIRANË– Ministrja për Rininë dhe Fëmijët ka folur ditën e sotme në lidhje me objektivat e ministrisë që drejton. Ajo deklaroi se shteti do të mbulojë një pjesë të kostos së kurseve profesionale për të rinjtë. Muzhaqi sqaroi dhe procedurën e aplikimit, e cila bëhet përmes portalit e-albania. Qëllimi sipas ministres është që të rinjtë të profilizohen në fusha të caktuara.
Bora Muzhaqi: Mbështetje financiare nga ana e qeverisë për kurset profesionale për të rinjtë që duan të profilizohen në fushën e Teknologjisë dhe Informacionit. Mënyra më e mirë është duke financuar një pjesë të kostos për t’u bërë pjesë e këtyre programeve dhe qendrave të teknologjisë. S’kemi lënë mënjanë për të rintjë që janë me aftësi të kufizuara, ne do të japim 20 mijë lekë për fëmijët me aftësi të veçanta. Mbështetja e dytë është e lidhur me tregun e punës. Duam, që ata të profilizohen. Ne jemi duke bashkëpunuar me bizneset. Aplikimi do të bëhet përmes E-Albania-s.
