TIRANË– Kryetari i Partisë Demokratike Sali Berisha akuzoi kryeministrin Edi Rama se po i bën presion administratës me aplikacionin e ri të lançuar nga Partia Socialiste “Aktivisti.al” ku punonjësit e administratës dhe anëtarët e partisë do të njoftohen në kohë reale për takimet, diskutimet dhe axhendat e ministrave dhe jo vetëm. Sipas kryedemokratit ky është një terror shtetëror i bërë nga kreu i qeverisë në prag të zgjedhjeve vendore. Kjo sipas Berishës bëhet që Rama të kontrollojnë “Like” dhe “Koment” që i bëhen në faqen e tij nga administrata. Në fund ai kishte një thirrje dhe për themeluesin e e “Meta” Mark Zuckenberg që të marrë masa për këtë që ai e quan abuzim social.
Sali Berisha: Së fundmi, dua të dënoj me forcën më të madhe, terrorin dixhital mbi administratën shqiptare nga Edi Rama dhe qeveria e tij. Gjatë javës që shkoi është shpërndarë një aplikacion, që do e quaja aplikacioni i terrorit dixhital, funksioni i të cilit është regjistrimi dhe përllogaritja e ‘like-eve’. Ky përbën një terror psikologjik dixhital. Ky vendim absurd, primitiv, u mor nga Edi Rama pasi e pa veten të tejkaluar tërësisht nga Berisha në bilancin e botës dixhitale. Me gjithë blerjen, me gjithë dhjetëra-mijëra euro që ka shpenzuar për të blerë ‘like’ dhe llogari false, kalon në një hap të paimagjinueshëm që të detyrojë punonjësit e administratës të bëjnë ‘like’ dhe t’ua masë këtë me aplikacion. Unë i bëj thirrje Mark Zuckerberg, Elon Musk, të ndëshkojnë këtë praktikë të abuzimit në rrjetet sociale nga një njeri që nuk ka asnjë parim, që terrorizon punonjësit e thjeshtë, dhe të heqin këtë të drejtë derisa të anulojnë këtë aplikacion famëzi të kontrollit të qytetarëve. PD do konsiderojë në mbrojtje të qytetarëve shqiptarë, edhe një proces ndërkombëtar ndaj Edi Ramës për këtë çështje. Ky është terror, ky është turp, ky është depersonalizim. A mundet një mendje e mbrapshtë të shfrytëzojë më shumë rrjetet dixhitale? Kur nuk e duan, nuk e duan. Arrogant, hajdut, njeri që është bërë simbol i vjedhjes. Si mund ta duan njerëzit atë. Tani shpik aplikacionin, nëse nuk më bën ‘like’, ikën nga puna. Absolutisht. Mos vidh, ky është i gjithë ilaçi. Çdo shqiptar e ka marrë vesh se ky vjedh, se është hajdut kongjenital, i papërmbajtu
