TIRANË– Kryetari i Partisë së Lirisë Ilir Meta ka folur rreth marrëveshjes së bërë në vitin 2013 me Partinë Socialiste dhe mesa duket është bërë “pishman”. Në stzdion e “Syri Tv” Meta tha se nul e dinte se nga PS do fë kthehej në një sekt. Meta akuzoi kryeministrin Rama se e ka kthyer pushtetin në bandë gjakpirësish.
Gazetari: Keni ndihmuar Rilindjen që të vijë në pushtet. Kur e kuptoi Ilir Meta që Rilindja u kthye në sekt, siç e quani ju?
Ilir Meta: Unë nuk kam bërë marrëveshje me Rilindjen por me PS-në. Është tjetër ajo që u premtua si Rilindje, që do sakrifikonin si Rilindasit për Shqipërinë. Do të jepnin dhe gjak për Shqipërinë. U kthyen në një bandë gjakpirësash. Kur jam ndërgjegjësuar unë? Kjo ka ndodhur hap pas hapi. Përpjekjet e mia për të zgjidhur krizën e 2017-ës, kohën e çadrës, për të evituar kapjen e reformës në drejtësi.
